VIDEO — Ռուբեն Վարդանյանը դիմել է Պուտինին. Ղարաբաղում հակամարտությունը աշխարհաքաղաքական դանդաղ ազդեցության ռումբ է

«Վլադիմիր Վլադիմիրովիչ, ես ուզում եմ դիմել ձեզ որպես Ռուսաստանի քաղաքացի, եւ ես այլ քաղաքացիություն չունեմ»: Այս մասին իր ուղերձի տեսանյութում հայտարարել է ռուս ներդրող, վենչուրային բարեգործ եւ գործարար Ռուբեն Վարդանյանը՝ անդրադառնալով Ղարաբաղի պատերազմին: Մասնավորապես, նա դիմել է Ռուսաստանի նախագահ Վլադիմիր Վլադիմիրովիչ Պուտինին, Ռուսաստանի ժողովուրդներին, Ռուսաստանի Դաշնության ռազմական ղեկավարությանը, Վրաստանի իշխանություններին, Վրաստանի ժողովրդին եւ հայ քաղաքական գործիչներին:

«Բարի օր։ Ես Ռուբեն Վարդանյան եմ: Ես 52 տարեկան եմ Ես Ռուսաստանի քաղաքացի եմ՝ հայկական արմատներով: Ես ուզում եմ այսօր շատ մարդկանց դիմել: Քանի որ ես դա շատ կարեւոր եմ համարում ինձ համար: Ոչ որպես գործարար: Մանավանդ, որ ես քաղաքական գործիչ չեմ, այլ պարզապես որպես մարդ, հայր, ով ունի չորս երեխա, ով պարզապես ուզում է մարդ մնալ՝ անկախ այն բանից, թե ինչ է կատարվում աշխարհում, ով ուզում է առաջին հերթին իրեն հարգել: Վլադիմիր Վլադիմիրովիչ, ես ուզում եմ ձեզ դիմել որպես Ռուսաստանի քաղաքացի, եւ ես այլ անձնագիր չունեմ:

Մենք ձեզ հետ մեկ անգամ ենք հանդիպել, երբ Սկոլկովոյում գործարար դպրոցի հիմնաքարն էր դրվում: Ես միշտ փորձել եմ Ռուսաստանի լավ քաղաքացի լինել եւ ամեն ինչ անել, որ Ռուսաստանը ծաղկի: Ես գիտեմ, որ դուք, որպես առաջնորդ, շատ բան կարող եք անել: Եվ հենց այսօր ձեր մասնակցությունը, ձեր վերաբերմունքը այս ամենին շատ բան է որոշում: Ես չգիտեմ, թե ինչ տեղեկատվություն եք ստանում, ով եւ ինչ է ձեզ խորհուրդ տալիս, բայց ես ուզում եմ ասել որպես մարդ, ով ներկայացնում է Ռուսաստանում բնակվող գրեթե երեք միլիոն հայերին:

Այն հայերին, որոնց մասին դուք այդպիսի հպարտությամբ մեկ անգամ չէ, որ խոսել եք հայ համայնքի հետ հանդիպմանը: Հավատացեք ինձ, սա պարզապես ինչ-որ տարածքային հակամարտություն չէ չճանաչված Հանրապետությունում: Սա պատերազմ չէ Հայաստանի եւ Ադրբեջանի միջեւ: Սա շատ ավելի լուրջ է: Եվ եթե պատահի, որ այս աղետն դժբախտությամբ ավարտվի, ապա հավատացեք, որ Ռուսաստանի համար դա կլինի անբուժելի վերք: Ես երազում եմ, ուզում եմ, որ Ռուսաստանը ոչ միայն օգնի, այլեւ հասկանա, որ մասնակցությունը այս գործընթացին էապես կարեւոր է մեզ համար՝ ռուսաստանցիների համար:

Ոչ հայերի, ոչ Հայաստանի, այլ ամբողջ ռուսաստանյան ժողովրդի համար, քանի որ Ղարաբաղի տեղական հակամարտությունը աշխարհաքաղաքական դանդաղ ազդեցութան ռումբ է, որը պայթելու է, եւ, ցավոք, այն պայթելու է նախեւառաջ Ռուսաստանում: Ես խորապես համոզված եմ դրանում: Ուստի, Վլադիմիր Վլադիմիրովիչ, ես պարզապես խնդրում եմ ձեզ՝ որպես մարդ, ով մի երկրի քաղաքացի է, որի առաջնորդը դուք եք: Միջամտեք այս գործընթացին»,- ասել է Վարդանյանը: